IQ թեստ

Մեր ուղեղները՝ ամառային երեք  ամիսներից արևահարված ու մի տեսակ ծուլացած, ստիպված եղան մեզ հետ գնալ դպրոց ու սովորել լի՜քը դասեր: Առաջին ամիսը դժվար էր ընտելանալու առումով, իսկ հիմա, երբ արդեն ընտելացել ենք, պետք է մի քիչ ցրվել՝ միաժամանակ աշխատեցնելով մեր ուղեղները: Դե իսկ այս հարցում մեզ միշտ էլ օգնության են հասել IQ թեստերը: Մեր կանոնների մասին հիշեցնելու կարիք հաստատ չկա: Ուրեմն սկսե՞նք…

Հարցեր՝

1. Ես ի՞նչ կարող եմ անել, որը դու երբեք, երբեք չես կարող կրկնել:

2. Ես մատիտը սենյակում դրեցի այնպես, որ ոչ ոք չկարողանար ցատկել վրայով, այդ ինչպե՞ս:

3. – Տե՛ս, այս խնդրի մեջ բոլոր զույգ թվերը գրված են կապույտով, – ասաց Անին:

– Օ՛յ, իսկ կենտ թվերը` կարմիրով, – ավելացրեց Արմենը:

Այդ դեպքում ինչ գույնով է գրված այն թիվը, որը հանդիսանում է կենտ և զույգ թվերի գումար:

4. Դու նստած ես ինքնաթիռում, քո դիմացով ձի է գնում, իսկ հետևից մեքենա: Որտե՞ղ ես դու գտնվում:

5.Մանկական հիվանդանոցում երեխաների համար կային շա՜տ փափուկ արջուկներ: Երեխաները խաղում էին և վերջում այնքան էին կապվում դրանց հետ, որ տուն էին տանում: Ինչպե՞ս բժիշկները լուծեցին այդ խնդիրը:

6. Ի՞նչ պետք է անես, երբ տեսնես կանաչ մարդուկի:

7. Սենյակում վառվում էր 50 մոմ, որոնցից 20-ը հանգցրին: Իսկ օրվա վերջում քանի մոմ մնաց սենյակում:

8. Ինչպե՞ս պետք է նետել թենիսի գնդակը, որ քեզ մոտ վերադառնա առանց որևէ մեկի միջամտության:

9. Երեկ մեր բակում՝ խոտի վրա, տեսա երկու սև ածուխ, մեկ գազար և շարֆ: Այո՛, իրար հետ բացարձակ կապ չունեցող իրեր: Կարո՞ղ ես ասել՝ ինչպես էին դրանք այդտեղ հայտնվել:

10. Կարենը մանկապարտեզից եկավ և մայրիկին պատմեց, որ տասը ընկերներով նստած են եղել ճաշասենյակում, ինքը որոշել է հաշվել ոտքերը, իսկ դրանք եղել են ընդամենը  տասը հատ: Այդ ինչպե՞ս:

Պատասխաններ՝

1. Ես կարող եմ նստել քո ծնկներին, իսկ դու՝ ոչ:

2. Մատիտը պատին էի հենել:

3. Կենտ, չէ՞ որ ցանկացած կենտ և զույգ թիվ գումարելիս ստացվում է կենտ թիվ: Ապա փորձիր…

4. Դու կարուսելում քեզ համար ժամանակ ես անցկացնում…

5. Երբ երեխաներն արդեն ապաքինվում էին, բժիշկները վիրակապում էին արջուկի թաթիկը և ասում, որ նա դեռ լրիվ չի առողջացել:

6. Վախենա՞ս… Ո՛չ, ո՛չ, պարզապես անցիր փողոցը:

7. Դու էլ հաստատ ինձ նման պատասխանեցիր 50 կամ էլ 30… Բայց ճիշտ պատասխանը 20-ն է, որովհետև այն վառվող 30 մոմերը շատ շուտով հալչեցին ու մնացին հանգցրած 20 մոմերը:

8. Պարզապես վերև պետք է նետել:

9. Ձմռանը մի քանի երեխաներ ձնեմարդ էին պատրաստել ու մոռացել էին նրա մասին: Չնեմարդը հալչել էր, իսկ աչուկները, շարֆիկն ու գազարը համբերատար սպասում էին մյուս տարվան:

10. Ո՛չ, վատ բաներ մտածել պետք չէ: Պարզապես Կարենն այդ ժամանակ տասից ավել հաշվել չգիտեր:

Փաստորեն ստացվում է՝ կարելի է լիցքաթափվել նաև մտածելով…

Անի Ավագյան

19 ՄԵԿՆԱԲԱՆՈՒԹՅՈՒՆՆԵՐ

  1. 1.Ճիշտ եմ պատասխանել
    2.Ճիշտ եմ պատասխանել
    3.Չեմ հասկացել
    4.Սխալ եմ պատասխանել
    5.Ճիշտ եմ պատասխանել
    6.Ճիշտ եմ պատասխանել
    7.Սխալ եմ պատասխանել
    8.Սխալ եմ պատասխանել
    9.Ճիշտ եմ պատասխանել
    10.Սխալ եմ պատասխանել

    Շատ շնորհակալություն թեստերի համար:Ես անընհատ հետևում եմ ձեզ:Եթե հնարավոր է՝մի փոքր շատ թեստեր պատրաստեք և տեղադրեք:

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here

8 + 2 =