Mocak.am-Ը ԵՎ ՖՈՒՏԲՈԼԸ ՀԱՆՈՒՆ ՀԱՎԱՍԱՐ ՀՆԱՐԱՎՈՐՈՒԹՅՈՒՆՆԵՐԻ


Դեկտեմբերի 3-ին` հաշմանդամության միջազգային օրը, կմեկնարկի «Ֆուտբոլը հանուն հավասար հնարավորությունների» ֆուտզալի 6-րդ մրցաշարը: Այս մրցաշարը նախատեսած է լրատվամիջոցների ֆուտբոլի սիրողական թիմերի համար: Այո, այո, այս մրցաշարը նախատեսված է ոչ թե պրոֆեսիոնալ ֆուտբոլիստների, այլ ֆուտբոլասերների համար: Ֆուտբոլի սիրահարների թվում է նաև Mocak.am-ը, որը նույնպես մասնակցելու է մրցաշարին Երիտասարդ առաջնորդների դպրոցի սպորտակումբի հետ համատեղ:

Ֆուտբոլը հանուն հավասար հնարավորությունների

Այս մրցաշարի նպատակը հաշմանդամություն ունեցող մարդկանց համար հավասար հնարավորությունների անհրաժեշտության մասին հիշեցնելն է:

Ինչո ՞ւ ֆուտբոլ

Որովհետև այն ամենասիրված ու ամենատարածված մարզաձևն է աշխարհում:

Ինչո՞ւ հանուն հավասար հնարավորությունների

Որովհետև Հայաստանում հաշմանդամություն ունեցող մարդիկ այսօր դրա կարիքն ունեն:

Ինչո ՞ւ լրատվամիջոցների համար

Որովհետև նրանք են տեղեկատվության հիմնական տարածողները:

Միջոցառումն իրականացնում են «Հույսի կամուրջ» եւ «Առաքելություն Արևելք» կազմակերպությունները` Հայաստանի ֆուտբոլի ֆեդերացիայի աջակցությամբ։ Բոլորը խաղերն անշահախնդրորեն սպասարկում են բարձրակարգ մրցավարները:

«Ֆուտբոլը` հանուն հավասար հնարավորությունների» գավաթի համար կպայքարեն 12 լրատվական թիմեր` «News.am», «Մեդիամաքս», «4-րդ իշխանություն», «Մարզաշխարհ», «Արևածաղիկ», «Epress.am», «Starsbyart.com», «Mocak.am և ԵԱԴ» (Երիտասարդ առաջնորդների դպրոց), «Xsport.am», «ilur.am», «Mamul.am», «eMedia.am»:

Դեկտեմբերի  3-ին Mocak.am-ը կմրցի epres.am կայքի հետ,

Դեկտեմբերի 5-ին՝ emedia.am կայքի հետ,

Դեկտեմբերի 6-ին՝ Մեդիամաքս ընկերության հետ:

Մաղթում ենք հաջողություն մեզ և, իհարկե, մեր մրցակիցներին:


Like it? Share with your friends!

Մեկնաբանել

 

Շնորհակալություն

Հավանեք մեր էջը Facebook-ում։