Ազնիվ Մոծակի Խոսք

Մեր Մասին | Կանոններ | Հարցեր | Նախագծեր | Խորհուրդներ
Մանկական ժամանցային կայք

ԱՄԱՆՈՐՅԱ ԲԱՑԻԿՆԵՐ

Ամանորյա բացիկՇա՜տ, շա՜տ քիչ է մնացել Ամանորին և արդեն պետք է մտածենք նվերների մասին… Այս անգամ էլ չենք դավաճանի մեր սկզբունքներին և ամեն-ամե՜ն ինչ կանենք մեր ձեռքերով: Առաջարկում եմ պատրաստել ամանորյա բացիկներ, համաձա՞յն ես:

Բացիկ 1:  Կանաչ, կարմիր, սպիտակ և վարդագույն գունավոր թղթեր, սպիտակ ներկ, սոսինձ, սև գրիչ և անսահմա՜ն երևակայություն. ահա թե ինչ է մեզ անհրաժեշտ: Կանաչ թուղթը հավասար և ուղիղ պետք է ծալենք:
Իսկ այն ինչ հիմա մենք կանենք, լավ կլինի մայրիկը չտեսնի :): Մեր ամբողջ ձեռքը պետք է պատենք սպիտակ ներկով և թողնենք մեր ձեռքի հետքը բացիկի առաջամասում: Ի՞նչ է սա… Սա Ձմեռ պապիկի մորուքն է, այո՛, այո՛ աշխարհի ամենատարօրինակ մորուքը: Դե հիմա շու՜տ, շու՜տ շտապիր լոգարան և մի լավ լվա ձեռքդ:   Անցանք առաջ: Վարդագույն թղթից մեզ հարկավոր է ընդամենը երկու շա՜տ փոքրիկ շրջանակ: Դրանք կսոսնձենք մորուքի ամենավերևում: Ահա և կարմրած թուշիկները: Կարմիր թղթից կստանանք նրա գլխարկն ու քիթիկը: Սպիտակ թղթից էլ կկտրենք ինը հատիկ շրջանակ գլխարկի և աչքերի համար: Դե իսկ սև գրիչը մեզ կօգնի նկարել Ձմեռ պապիկի աչքերն ու զարմացա՜ծ, շա՜տ զարմացած բերանը: Սա առաջին բացիկը՜, անցանք հաջորդին:

Ամանորյա բացիկ

Բացիկ 2: Իսկ ահա այս երկրորդ բացիկն այդքան էլ պահանջկոտ չէ: Ընդամենը կանաչ, կարմիր, դեղին թղթեր ու սոսինձ: Դեղին թուղթը հավասար ծալիր և դիր մի կողմ: Հիմա մի պահ պետք է վերադառնանք դպրոց: Ո՛չ, ո՛չ, մի՛ դժգոհիր, միայն մտքով պիտի վերադառնանք և հիշենք այն հովհարները, որոնք պատրաստում էինք թղթից: Հիշեցի՞նք, շա՜տ լավ: Ուրեմն պետք է պատրաստենք նույն հովհարները մեր ունեցած կանաչ թղթով: Ընդամենը հինգ, տարբեր չափերի հովհար: Հմմմ, իսկ ու՞ր դրեցինք մեր դեղին բացիկը… Այո՛, այո՛ հենց դա, վերցրու և հենց այդ բացիկի մեջ էլ սկսիր սոսնձել հովհարների ծայրերը: Տոնածառը պատրաստ է, մնաց աստղիկը, որն էլ կպատրաստենք կարմիր թղթից:

Ամանորյա բացիկ

Ահա բացիկի երկու տարբերակ մենք արդեն ունենք: Հա՜, չմոռանաս միայն դրանց ներսում գրես քո գեղեցիկ և անկեղծ բարեմաղթանքնե՜րը…

Անի Ավագյան 


5 Responses to ԱՄԱՆՈՐՅԱ ԲԱՑԻԿՆԵՐ

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Բաժանորդագրություն

Mocak.am-ի թարմացումների և նորությունների մասին տեղեկանալու համար կարող եք գրանցել Ձեր էլ-փոստը:




Կարդացեք նաև
  • tsar (2)ԳԱՐՆԱՆԱՅԻՆ HAND MADE

    Գարունն արդեն սարերի ետևում չէ, նույնիսկ ավելին` արդեն համարյա ձեր բակ է հասել։ Մի քիչ էլ ու արդեն պատուհանից…

  • 555212_407720169303309_2028874628_nՄԱՏԻՏԱՏՈՒՓ

    Քո աչքերն է՞լ են հիմա հիացմունքից շողշողում: Իմը հենց այդպես շողշողում էին, երբ հանկարծ հայտնաբերեցի այս…

  • ՁՄԵՌ ՊԱՊԻԿՆԵՐ՝ ՏՈՆԱԾԱՌԻՑ ԿԱԽ

    Սպասո՞ւմ ես Ձմեռ պապիկին ու նրա նվերի՞ն՝ տոնածառի տակ: Իսկ կցանկանայի՞ր, որ նա՝ Ձմեռ պապիկը, հայտնվեր ոչ…

  • ԾԱՂԻԿՆԵՐ ՈՒՍՈՒՑՉԻ ՏՈՆԻՆ

    Մոտենում է Ուսուցչի տոնը, և երևի հիմա հուսահատ այս ու այն կողմ ես գնում սենյակում՝ փորձելով յուրօրինակ նվեր…

  • Կոճակաշատ նկարԿՈՃԱԿԱՇԱՏ ՆԿԱՐ

    Մի ժամանակ մեր բոլոր հագուստները համերաշխ ապրում էին: Այն ժամանակ ամեն ինչ միասին էր. տաբատների վերին…