ՓԵՏՐՎԱՐԻ 21-Ը՝ ՄԱՅՐԵՆԻ ԼԵԶՎԻ ՄԻՋԱԶԳԱՅԻՆ ՕՐ

Մայրենի լեզվի բառերը մենք զգում ենք, ապրում, իսկ օտար լեզվինը՝ սովորում, հասկանում, հիշում…

Ավետիք Իսահակյան

1999 թվականի նոյեմբերի 17-ին ՅՈՒՆԵՍԿՕ-ն որոշում ընդունեց ստեղծել մայրենի լեզվի միջազգային օր: Իսկ 2000 թվականի փետրվարի 21-ից ամբողջ աշխարհը սկսեց տոնել իր մայրենի լեզվի միջազգային օրը: Երևի ոգևորված այս տոնի ստեղծմամբ՝ ամբողջ 2008 թվականն էլ հայտարարեցին մայրենի լեզվի տարի: Լեզվին նվիրված այսքան տոների նպատակը մեկն է՝ պահպանել դրանք և գիտակցել դրանց կարևորությունը: ՅՈՒՆԵՍԿՕ-ի  գնահատմամբ աշխարհի շուրջ 6000 լեզուների ուղիղ կեսը մոտակա ժամանակներս կարող է կորցնել իր վերջին կրողներին, ինչը շատ մտահոգիչ է:

Լեզուն համարվում է բոլոր-բոլոր ազգերի կարևորագույն այն «գործիքը», որով սերունդները պահպանում են իրենց ազգությունը: Օրինակ՝ եթե չլիներ հայոց լեզուն՝ մեր մայրենի լեզուն, մենք շա՜տ վաղուց կորցրած կլինեինք մեր ազգային դիմագիծը: Ուրեմն այսօր նաև պետք է հիշենք Մեսրոպ Մաշտոցին և իր կատարած ահռելի դերը Հայաստանի ու հայերի համար:

Բայց ամենակարևորը՝ մեզնից յուրաքանչյուրն իր հերթին պետք է փորձի պահպանել հայոց լեզուն: Ինչպե՞ս. ուղղակի գեղեցիկ խոսելով՝ առանց ժարգոնային, տգեղ կամ էլ օտար լեզուներից բառեր մեջբերելու:

Անի Ավագյան

Ձեզ կարող է հետաքրքրել նաև

2 մեկնաբանություն

  1. Մարիամն

    այո մենք էլ այսօր դպրոցւմ միայն ու միայն գրական հայերենով էինք խոսում

  2. Սոսեն

    Մեր շուրջը լեզուներ նոր ու հին,
    Մեր շուրջը խոսում են այլորեն,
    Եկ խոսենք, եղբա’յր իմ, հայերեն:
    Կու’լ չերթանք այս ահեղ լափումին,
    Թու’յլ չտանք` մեր լեզուն ավերեն,
    Եկ խոսե’նք, մի’շտ խոսենք հայերեն:

    (Խաչիկ Դաշտենց)

Մեկնաբանել

Ձեր էլ․ փոստը չի հրապարակվի