հանելուկներ

Գլխարկը կապույտ,
Շապիկը կանաչ,
Մի փոքրիկ ծաղիկ
Ամենիս ճանաչ:

Ո՞ր ծաղիկն է կլորերես,
Օգտակար են սերմերը մեզ,
Շատ է սիրում արեգակին,
Միշտ նայում է նրա դեմքին:

Անտառի տերը,
Անտառի արքան,
Նրան դարերը
Թվում են վայրկյան:

Դաշտի զարդն է,
Գույնը՝ ալ,
Ամեն այտին
Մի սև խալ:

Այն ի՞նչն է, ի՞նչը,
Հոտն անուշ,
Ինքը՝ կարմիր,
Կոթը՝ փուշ:

Թեև նա չունի
Ատամ ու բերան,
Բայց քեզ կկծի,
Թե ձեռք տաս նրան:

Ձեռքեր չունի,
Ծափ է տալիս,
Քամու երգին
Չափ է տալիս:
Ձյան սպիտակ օրորոցից,
Ինչպես մանուկն իր մոր ծոցից,
Ո՞ր ծաղիկն է մեզ հյուր գալիս,
Գարնան գալը իմաց տալիս:

Դուք բոլորդ գիտեք նրան,
Ունի ճկուն, բարակ իրան,
Բնակվում է ճահիճներում
Ու ձեզ համար սրինգ դառնում:

Թեև ոչ մի ներկ
Չունի իր ձեռքում,
Բայց ամենուրեք
Կանաչ է ներկում:

Այն որ ծառը
Բարձր է փղից,
Իսկ պտուղը
Փոքր է ձվից:

Ի՞նչն է ցրտին մերկանում,
Ամռան շոգին հագնվում:

Ի՞նչն է ջրում կյանք առնում,
Մետաքս ու թուղթ է դառնում,
Դառնում ընտիր դեղանյութ,
Ձկնիկներին լավ սնունդ:

Վաղ գարունքին ճյուղին թառում,
Արեգակին աչք է հառում,
Ու մի օր էլ պայթում է նա,
Ու պայթյունով նոր կյանք առնում:

Մի օր մտա ես անտառ,
Առվի ափին տեսա ծառ,
Տխուր-տրտում սոսափում,
Ասես արցունք էր թափում:

Հանելուկներ ծառերի, ծաղիկների, բույսերի մասին

Մանուշակ, արևածաղիկ, կաղնի, կակաչ, վարդ, եղինջ, ծառ, ձնծաղիկ, եղեգն, մամուռ, կաղնի, ծառ, ջրիմուռ, բողբոջ, ուռենի

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here

5 + 2 =