HAND MADE ԿՐԻԱՆԵՐ

Առջևում հանգստյան օրերն են, և ազատ ժամանակը հարկավոր է շատ հետաքրքիր կազմակերպել ու այդ մասին պետք է սկսել մտածել հենց նախորդ հանգստյան օրերից: Ես էլ քեզ հետ միասին եմ մտածում: Եվ ուրեմն, մտածեցի, մտածեցի ու որոշեցի: Միասին ահա այսպիսի կրիաներ կպատրաստենք՝ ուրախ, հմայիչ ու գունավոր: Իսկ դրա համար կօգտագործենք պլաստմասե անպետք շշեր: Պատրա՞ստ ես: Սկսենք:

kria4

Անհրաժեշտ են

Պլաստմասե գունավոր շշեր
Խոհանոցային հաստ անձեռոցիկներ
Մկրատ
Ասեղ
Թել
Գրիչ

kria5

Նախ հարկավոր է կտրել շշի ստորին «սապատավոր» հատվածը: Դա կլինի կրիայի պատյանը: Դիր այն անձեռոցիկի վրա և գրիչով եզրագծիր: Կստացվի շրջանակ, որի շուրջ էլ պետք է նկարել կրիայի ձեռքերի, ոտքերի, գլխի ու փոքրիկ պոչիկի եզրագծերը, իսկ հետո զգուշությամբ կտրել անձեռոցիկը՝ ըստ այդ եզրագծերի:

kria6

Վերցրու ասեղն ու թելը և առանց շիշը ծակելու պարզապես շրջապատիր նրան թելով: Թելն անցկացրու միայն անձեռոցիկի միջով և երբ  զգաս, որ արդեն ամուր կարել ես կրիայի պատյանը, հանգույց գցիր թելը, որպեսզի կարը չթուլանա: Կարող ես պատյանի գագաթին մի կոճակ կարել, որպեսզի թելերի հատման կետը ավելի գեղեցիկ լինի:

kria7

Ժամանակն է զբաղվելու արտաքին ձևավորմամբ: Նկարիր կրիայի դեմքը և մատիկները:

kria1

Իսկ հիմա խոսենք այն մասին, թե ինչով կարող է զբաղվել կրիան ձեր տանը: Նա կարող է սուզվել լոգարանի մեջ լցված ջրում և դառնալ ջրային կրիա: Այդ դեպքում դու կարող ես նրա պատյանի մեջ մանրիկ ծովային քարեր լցնել: Այդպես նա շատ ավելի գեղեցիկ կլինի: Դրա համար հարկավոր է փոքրիկ անցք բացել անձեռոցիկի ստորին մասում և քարերը զգուշությամբ ներս մտցնել:

kria

kria3

Նույն եղանակով քո կրիայի պատյանում կարող ես մետաղադրամներդ պահ տալ: Նա հավատարմորեն կպահպանի դրանք, չէ՞ որ նա քո իսկ ձեռքերով պատրաստված կրիան է, քո կրիան…

Ձեզ կարող է հետաքրքրել նաև

5 մեկնաբանություն

  1. SHushanik

    CER kayq@ inc shat dur ekav ,bayc es xndrum em vor avelacneq nor tarva gexecik zartaranqner,ev ogneq mec patrastel gexecik xaxaliqner….ev ayln mian anpayman nor tarva masin

    1. mocak

      Սիրելի Շուշանիկ, այս հղումով՝ http://goo.gl/QDr6T9, դու կարող ես գտնել բազմաթիվ հետաքրքիր նյութեր ամանորյա ձեռքի աշխատանքների, համեղ բաղադրատոմսերի մասին: Շուտով կայքում կհայտնվեն նոր նյութեր, հետևիր մեր թարմացումներին:

      Սիրով՝ Մոծակ

    1. mocak

      Սիրելի Վեներա, դրանք վաճառվում են գրեթե բոլոր տնտեսական խանութներում:

Մեկնաբանել

Ձեր էլ․ փոստը չի հրապարակվի