1. Հերթով բացվող ամեն էջում
Շատ գիտելիք դու կգտնես,
Ամեն անցնող տարվա վերջում
Գրադարան այն կհանձնես:

2. Կտոր, թելեր, թուղթ թե տեսնի,
Կկտրատի, կմասնատի:

3. Խորամանկ է հեքիաթներում,
Ում հանդիպում, անվերջ խաբում:

4. Ծնվում է ցամաքում,
Ապրում է օդում,
Ձայն է հանում ու թռչում,
Ոչ կենդանի է, ոչ թռչուն:

5. Ով է տեսել այսպես թռչուն,
Թևեր ունի, բայց չի թռչում:

6. Պարանի պես երկար է,
Ձկների բնակավայր է,
Գնում է առանց դադարի,
Գարունն եկավ, կվարարի:

7. Աքլորի գործն ինքն է անում,
Առավոտյան վաղ արթնացնում:

8. Ծաղիկների թագուհին է,
Եվ շատ սիրուն, և փշոտ է:

9. Տանը դրված այդ արկղիկում
Լիքը մարդ է տեղավորվում,
Մեկը երգում, մեկը պարում,
Մյուսը թարմ լուրեր է կարդում:

10. Օդում կախված հսկա բամբակ,
Փափուկ, սիրուն ու սպիտակ:
Ընկերներով թե հավաքվեն,
Վարար անձրև մեզ կբերեն:

11. Երկնքում անթիվ, անհամար են,
Փայլուն, բարձր ու անմար են:

12. Այդքան երկիր մի թղթում
Տեսնես ոնց է տեղավորվում:

13. Իրար կպած երկու պատուհան
Իրերն ավելի պարզ ցույց կտան:

14. Տիկ-տակ, տիկ-տակ, չեն հոգնում,
Գնում-գնում, կանգ չեն առնում:

15. Ողջ երկնքում նա միակն է,
Դեղին, կլոր, սկավառակ է:

ՊԱՏԱՍԽԱՆՆԵՐ: դասագիրք, մկրատ, աղվես, ինքնաթիռ, ջայլամ, գետ, զարթուցիչ, վարդ, հեռուստացույց, ամպ, աստղեր, քարտեզ, ակնոց, ժամացույցի սլաքներ, արեգակ:

Էջը վարում է Մարիաննա Ասրյանը

11 Մեկնաբանություններ

  1. Հարգելի Արտակ, Ձեր խնդրանքը մենք հաշվի ենք առել: Կայքում շուտով կլինեն հանելուկներ նաև բույսերի մասին:

    • Հարգելի Արտակ, շնորհակալություն համբերատար սպասելու համար: Բույսերի, ծառերի ու ծաղիկների մասին հանելուկներ կարող եք գտնել ահա այս հղումով՝ http://goo.gl/2Q1SM