ԵՎ ԷԼԻ ՀԱՆԵԼՈՒԿՆԵՐ


1 share
հանելուկներ

Մռթմռթում է, փնթփնթում,
Անվերջ մեղր պահանջում,
Ձմռան դիմաց որջն է մտնում,
Մինչև գարուն հանգիստ քնում:

Մեր ուսերին գցած պարկ,
Գրքերով լի կամ դատարկ,
Ունի բազում դարակներ,
Ամենքում` տարբեր իրեր:

Գրչի նման գրում, գծում,
Նաև ներկում ու նկարում,
Թե շատ ամուր թղթին սեղմես,
Ստիպված նորից պետք է սրես:

Եթե գրես դու անսխալ,
Կարող է հանգիստ իր տեղում մնալ,
Բայց ավելորդ գիծ թե տեսնի,
Գործի կանցնի ու շտապ ջնջի:

Արկղի նման մեքենայով,
Ճամփորդում ենք մեր շենքով,
Միայն վեր ու վար է գնում,
Մեզ հարկերով տեղափոխում:

Սիրած վայրը գրատախտակ,
Փոքր, փխրուն, գույնը սպիտակ,
Ապրում է մեր դասարանում,
Բայց շատ շուտ է նա վերջանում:

Գիշեր-ցերեկ անդադար խոսում,
Էլ երգում է, էլ ասմունքում,
Թե հոսանքը անջատվի,
Նա էլ ձայնը կկտրի:

Բարեկամն է նա դռան,
Կողպեքի լավ օգնական,
Անզգուշաբար չկորցնես,
Որ հեշտությամբ տուն մտես:

արջ, պայուսակ, մատիտ, ռետին,  վերելակ, կավիճ, ռադիո, բանալի

 Հանելուկներ էջը վարում է Մարիաննա Ասրյանը

 


Like it? Share with your friends!

1 share

Մեկնաբանել

 

Շնորհակալություն

Հավանեք մեր էջը Facebook-ում։