ՄՐԳԱՅԻՆ ԱՂՑԱՆ


Մրգային աղցան

Եթե մոտակա օրերին հյուրերի ես սպասում, կամ եթե որոշել ես մի փոքր գլուխ գովալ, առաջարկում եմ միասին մի համեղ մրգային աղցան պատրաստել: Վերցնում ենք խոհանոցային տախտակն ու դանակը և անցնում գործի (չմոռանալով, իհարկե, դիմել մայրիկի օգնությանը):

Ի՞նչ է մեզ անհրաժեշտ

  1. Երկու բանան
  2. Երկու խնձոր
  3. Չորս շլոր
  4. Երկու կիվի
  5. Մեկ տանձ

Պատրաստման եղանակը

Բոլոր բաղադրիչները կեղևազրկել և կտրատել խորանարդիկներով: Այս ամենին ավելացնել մեկ թեյի գդալ շաքարավազ և յոգուրտ` ըստ ճաշակի:
Իհարկե, կարող ես փոփախությունների ենթարկել բաղադրատոմսը: Կարող ես բաղադրիչներից յուրաքանչյուրը փոխարինել մեկ ուրիշով կամ ավելացնել քո ուզած քանակով:

Հյուրասիրությունը ևս կարևոր է: Առաջարկում եմ աղցանը լցնել փոքրիկ ամանների մեջ, վրան էլ քիչ քանակությամբ մանրացրած ընկույզ ավելացնել ու մատուցել:

Հա, քիչ էր մնում մոռանայի, և մրգային աղցանի անպայման ավելացրու նաև երեք մեծ ճաշի գդալ սեր… Դա ամենակարևոր բաղադրիչն է…
Բարի ախորժակ…

Սիրով ներկայացրեց Անի Ավագյանը

Մեկնաբանություններ

ՄՐԳԱՅԻՆ ԱՂՑԱՆ

log in

reset password

Back to
log in