ՍԱՍՈՒՆՑԻ ՀՐԱՇՔ ՓՈՔՐԻԿԸ
Երկու տարի առաջ համացանցում հայտնվեցին մի փոքրիկ «խուճուճիկ» աղջկա տեսահոլովակները: Երբ ուրիշ փոքրիկներ այդ տարիքում դեռ նոր խոսել են սկսում, Մանեն իր մանկական հրաշք ձայնով արդեն երգեր էր երգում ու սիրողական տեսահոլովակներ պատրաստում մայրիկի հետ: Ծանոթանանք այս փոքրիկ աղջկա հետ ու պարզենք, թե ինչպես նա հայտնվեց համացանցում:
Մանեի նկարչական տաղանդը
Իսկ երաժշտական ընդունակություններ Շաղիկը Մանեի մոտ նկատել է դեռ շատ փոքր հասակից: Երբ երեք տարեկան էր, երգեց Բեյրութի Վանա ձայն ռադիոկայանի մանկական հաղորդման ընթացքում, հետո պարզվեց, որ Մանեի երգը մասնակցում է մրցույթի և 3-5 տարեկան երեխաների անվանակարգում ստացավ առաջին մրցանակ:
Մանեն կատարում է իր մայրիկի հեղինակային երգերը: Առաջին երգը արձանագրել են, երբ դեռ երեքուկես տարեկան էր: Մանեն նաև հայրենասիրական երգեր է կատարում, որոնցից ամենահայտնին թերևս «Սասունցի աղջիկ» երգն է: «Սա հատուկ գրել եմ իր համար, քանի որ Մանեն ծագումով Սասունից է և մեկ երգ՝ Հայաստանի երեք խորհրդանշանների մասին, սա էլ գրել եմ, որ երգի միջոցով դյուրին սովորի, թե որոնք են մեր խորհրդանաշանները: Իսկ մյուս երգերն ավելի մանկական են, իր հետաքրքրություններից ելնելով, ինքն ինչի մասին որ ուզել է, ես փորձել եմ գրել, օրինակ շնիկի, տիկնիկի, Բարեկենդանի եւ այլն»,-պատմում է Մանեի մայրիկը:
Մանեն ու մայրիկը
Երբ Մանեին հարցնում են, թե ինչ է դառնալու, երբ մեծանա, բոլոր փոքրիկ երեխաների պես նա էլ ամեն անգամ տարբեր-տարբեր պատասխաններ է տալիս այս հարցին՝ կախված նրանից, թե հենց այդ պահին նրան ինչն է դուր գալիս: Մանեի մայրիկն էլ չի պատկերացնում, թե ինչ մասնագիտություն կընտրի Մանեն, երբ մեծանա, պարզապես ամեն ինչ անում է, որ իր բալիկը կատարյալ կրթություն ստանա:
Եվ, իհարկե, ամենակարևորն այն է, որ ապրելով հայրենիքից հեռու, Մանեն ջերմորեն սիրում է իր հայրենիքը: Մանեի համար Հայստանը հեքիաթային երկիր է, ուր կա այն, ինչ չկա Բեյրութում՝ ձյուն, ծառեր, պարտեզներ, կենդանիներ: Նա իր համար նկարել է երազային Հայաստան: «Իսկ Հայաստանը վերն է, քանի որ հոն օդանավով միայն կարող ենք գնալ»,- ասում է Մանեն: Հայաստանին էլ ցանկանում է ամենալավ բաները, իսկ մեր բանակին՝ քաջ զինվորներ:
Մենք էլ Մանեին հեքիաթային մանկություն ենք մաղթում և իր պես լուսավոր ու պայծառ երգեր: Չէ՞ որ մեր հայրենիքը հզոր է նաև այսպիսի հրաշք սասունցի փոքրիկներով…
Անահիտ Ալեքսանյան
Իսկապես հրաշալի փոքրիկ է: Կգնահատեմ ձեր կայքի մոտեցումը: Հուսանք այսպիսի փոքրիկներին անդրադառնալու մոտեցումը ավադնույթ կդարձնեք: Աշխարհով մեկ սփռված ենք, ամենը չեն, որ դրսում կարողանում են հայ մնալ, պահպանել լեզուն, դեռ մի բան էլ ավելին՝ ստեղծագործել հայերեն: Շնորհակալություն հաճելի նյութի համար:
Իհարկե, հարգելի Աննա, մենք միշտ պատրաստ ենք աջակցել բոլոր տաղանդավոր փոքրիկներին ու սիրով անդրադառնում ենք նրանց հաջողություններին:
Այո, մեր փոքրիկները շաաաատ տաղանդավոր են: Կեցես Մանե ջան քեզ նորանոր բարձունքներ եմ ցանկանում:
Իսկ ձեր համացանցին բարգավաճում.