ՀԱՅԿԱԿԱՆ ԶԻՆԱՆՇԱՆ


1 share

Յուրաքանչյուր պետության կարևորագույն խորհրդանիշերից մեկն էլ զինանշանն է՝ գերբը: Զինանշանը խորհրդանշական պատկերների համադրություն է, որը արտացոլում է տվյալ ժողովրդի ավանդույթներն ու կարևորագույն արժեքները: Հին ժամանակներից սկսած հայկական թագավորական ու նախարարական տոհմերը ունեցել են ինչպես իրենց դրոշը, այնպես էլ զինանշանը: Զինանշանները պատկերվում են դրոշների, դրամների, վահանների, կառավարական շենքերի վրա:

Հայաստանի Առաջին Հանրապետության զինանշանը
Հայաստանի Առաջին Հանրապետության զինանշանը

Պատմության տարբեր ժամանակներում հայկական զինանշանը տարբեր է եղել: Արտաշեսյան արքայատոհմի զինանշանը հովազին հոշոտող արծիվն է եղել, իսկ Արշակունի թագավորական տան զինանշանը պատկերվել է զույգ արծվի տեսքով, կենտրոնում էլ՝ արևի նշան: Կիլիկյան Հայաստանի զինանշանը իրենից ներկայացրել է թագակիր առյուծ:

FlagKilikia2
Կիլիկյան Հայաստանի զինանշանը

Հայաստանում Խորհրդային կարգերի հաստատումից հետո ստեղծվել է նոր զինանշան, որի հեղինակներն էին երկու մեծ նկարիչներ՝ Մարտիրոս Սարյանը և Հակոբ Կոջոյանը: Այս զինանշանը պատկերում էր Մեծ ու փոքր Արարատները, հնգաթև աստղ՝ մուրճով և մանգաղով, Արարատի ստորոտին պատկերված էր խաղողի վազ, իսկ աջ և ձախ կողմերում՝ ցորենի հասկեր:

Եվ վերջապես 1992 թվականին հաստատվեց Հայաստանի Հանրապետության պետական զինանշանը, որն իր մեջ ներառում էր նախորդ զինանշանների հիմնական դրվագները: Ահա թե ինչպիսի տեսք ունի հայկական զինանշանը այսօր. կենտրոնում՝ վահանի վրա, պատկերված են Արարատ կեռը՝ Նոյյան տապանով, և պատմական Հայաստանի չորս թագավորական տների՝ Արշակունիների (արծիվ), Արտաշեսյանների (զույգ արծիվ), Ռուբինյանների (առյուծ) և Բագրատունիների (ցատկող առյուծ) զինանշանները: Վահանը պահում են արծիվը ու առյուծը, իսկ ներքևում պատկերված են սուր, ճյուղ, հասկերի խուրձ և ժապավեն:

Ճանաչենք և հարգենք մեր երկրի պետական խորհրդանիշերը…


Like it? Share with your friends!

1 share

Մեկնաբանել

 

Շնորհակալություն

Հավանեք մեր էջը Facebook-ում։