Ազնիվ Մոծակի Խոսք

Մեր Մասին | Կանոններ | Հարցեր | Նախագծեր | Խորհուրդներ
Մանկական ժամանցային կայք

Բանաստեղծություններ

Հայ ու արտասահմանյան հեղինակների ամենալավ բանաստեղծությունները երեխաների համար

ՀՈՎՀԱՆՆԵՍ ԹՈՒՄԱՆՅԱՆ – ԱՐԾԻՎՆ ՈՒ ԿԱՂՆԻՆ

ԱրծիվԵղավ՝ մի անգամ անտառի միջին
Արծիվն ու Կաղնին էսպես վիճեցին,
Թե որն իրենցից շատ տարի կապրի,
Որն է դիմացկուն ու պինդ ավելի:

Արծիվն ասավ՝ ես. Կաղնին էլ թե՝ ես:
Երկուսն էլ համառ ու հըպարտ էսպես՝
Մեծ-մեծ պարծեցան, սաստիկ վիճեցին,
Վերջը էս տեսակ պայման կապեցին:

Ժամանակ դըրին հինգ հարյուր տարի
Արքան հավքերի, արքան անտառի.
Որ թե որոշված էն օրին հասնեն,
Էն օրը մին էլ գան իրար տեսնեն:
Continue reading

ՄԱՆԿԱԿԱՆ ԲԱՆԱՍՏԵՂԾՈՒԹՅՈՒՆՆԵՐ – ՆԱԻՐԱ ԵԴԻԳԱՐՅԱՆ

գորտՆոր բնակիչը

Լճակում  փոքրիկ-մոքրիկ
Ծնվել է ոսկե  ձկնիկ:
Ձկնիկն ուրախ լողում է,
Բայց ա’յ գորտին խանգարում է.

- Սա ի՞նչ բան է, կվա՜, կվա՜, կվա՜…
Լճակում էլ տեղ չկա,
Լճակի ջուրը շատ քիչ է,
Պետք չէ մեզ նոր բնակիչը:

Այդ ձկնիկը, կվա՜, կվա՜, կվա՜…
Թո՛ղ կապույտ ծովը գնա:
Մեր լճակը շատ է նեղ,
Կվա՜, կվա՜… չկա ազատ տեղ:
Continue reading

ՆԱԻՐԱ ԵԴԻԳԱՐՅԱՆ – ՄԱՆԿԱԿԱՆ ԲԱՆԱՍՏԵՂԾՈՒԹՅՈՒՆՆԵՐ

Մկնիկի պոչիկը

մուկ

Իմ պոչիկը երկար պարան է,
Այն ինձ համար շատ վատ օգնական է,
Դեռ ավելին`  խանգարում է,
Անպետք փիսիկը պոչիկիցս բռնում է:

Իսկ ա՛յ սկյուռիկի բախտը բերել է,
Նրա պոչիկը ոչ թե մի թել է,
Այլ փափուկ` ինչպես ամպերը,
Նրան նախանձում են բոլոր մկնիկները:

Չէ՞ որ փաթաթվում է պոչիկով տաքուկ,
Էլ սարսափելի չէ ո՛չ քամի, ո՛չ բուք:
Իսկ ես ցրտից դողում եմ, մրսում,
Սկյուռիկի փափուկ պոչիկից եմ ուզում:
Continue reading

ԲԱՆԱՍՏԵՂԾՈՒԹՅՈՒՆՆԵՐ ՓՈՔՐԻԿ ՄԱՐԻՆԿԱՅԻՑ

Մարինա Մարգարյան

Մարինա Մարգարյան

Վրձինը

Մի օր վերցրեցի
Վրձինը մաքուր,
Ներկի մեջ թաթախեցի
Ու նկարեցի.
Մի երկինք շատ պարզ,
Հետո աղավնի
Ու խաղաղ երկիր՝
Հրա՜շք, լուսավոր.
Վրձինը իմ լավ
Ու ինձ բարեկամ
Օգնեց  նկարել
Մի բնակավայր
Հավաքված բարի,
Մարդկանցով արի:
Եւ բնակավայրը այս այգեստան
Կոչվեց մի բառով՝ Հայաստան: Continue reading

ԱՐԱԳԱԾ ԼԵՌԱՆ ՄԱՍԻՆ ԲԱՆԱՍՏԵՂԾՈՒԹՅՈՒՆՆԵՐ

Արագած

ԱՐՏԱՇԵՍ ԱՐԱՄ

***

Արագածը ձյունել, սառցե ծաղիկ դարձած,
Աղջամուղջի մեջ պաղ ասուպներ է ցրում:
Եվ ինձ թվում է, թե կհանդիպենք դարձյալ
Հեռու ինչ-որ մի օր, գիսաստղային ծիրում:

Continue reading

ԱԹԱԲԵԿ ԽՆԿՈՅԱՆ -ԱՌԱԿՆԵՐ. ՄԱՍ 1-ԻՆ

ԱԳՌԱՎՆ  ՈՒ  ԱՂՎԵՍԸ

axves

Բախտի բերմամբ,
Թե պատահմամբ,
Մի մեծ ագռավ
Մի գունդ պանիր
Դաշտում գտավ.
Կտուցն առավ,
Ծառին թռավ:

Օ, ինչ պանիր, դեղին ոսկի…
Բայց դեռ չառած համը իսկի,
Աղվեսն անցավ ծառի մոտով,
Գերվեց,
Էրվեց
Պանրի հոտով:
Continue reading