Ազնիվ Մոծակի Խոսք

Մեր Մասին | Կանոններ | Հարցեր | Նախագծեր | Խորհուրդներ
Մանկական ժամանցային կայք

մանկական հոգեբանություն

ՀԵՔԻԱԹ ՄԹՆԱՇԽԱՐՀԻ ՄԱՍԻՆ

Հեքիաթ

Կար-չկար մի փոքրիկ տղա կար, որ շատ էր վախենում մթությունից և երբեք գիշերը լույսը չէր անջատում, նույնիսկ երբ մայրիկը շատ էր բարկանում: Տղան փորձում էր մենակ չմնալ մութ սենյակում:

Մի անգամ նա մի զարմանալի հեքիաթ տեսավ՝ շատ վառ ու գեղեցիկ: Երբ տղան արթնացավ, նույնիսկ սկսեց կասկածել, երազ էր դա, թե իրականություն, որովհետև բոլոր պատկերները շատ հստակ էին նրա գիտակցության մեջ: Նա շատ լավ էր հիշում, որ աչքերը փակել էր, երբ սենյակում դեռ լույսը վառվում էր, իսկ այժմ, երբ բացեց աչքերը մութ էր: «Երևի մայրիկն է անջատել լույսը»,- մտածեց նա և հանկարծ իր կողքին նկատեց մի փոքրիկ մարդուկ: Մարդուկը շատ ծիծաղելի էր, նա մեծ, զվարճալի ականջներ ուներ, զարմանալի կոշիկներ և մի մեծ գլխարկ, որ անընդհատ ընկնում էր աչքերին: Continue reading

ՀԵՔԻԱԹ. ԻՆՉՊԵՍ ՓՈՔՐԻԿ ԿԵՆԳՈՒՐՈՒՆ ԻՆՔՆՈՒՐՈՒՅՆ ԴԱՐՁԱՎ

փոքրիկ կենգուրունԿար-չկար մի մեծ կենգուրու: Մի անգամ նա դարձավ աշխարհի ամենաերջանիկ կենգուրուն. ծնվեց նրա փոքրիկ կենգուրու բալիկը: Սկզբում փոքրիկ կենգուրուն շատ թույլ էր և փոքրիկ, այդ պատճառով մայրիկը նրան պահում էր իր փորի վրա գտնվող պայուսակում:

Այնտեղ՝ մայրիկի պայուսակում, փոքրիկը իրեն շատ հարմարավետ և ապահով էր զգում: Երբ նա ուզում էր խմել, մայրիկը նրան համեղ կաթ էր տալիս, իսկ երբ ուզում էր ուտել, մայրիկը նրան գդալով համեղ ապուր էր տալիս: Հետո փոքրիկը քնում էր, և այդ ժամանակ մայրիկը ժամանակ էր ունենում, որպեսզի զբաղվի տնային գործերով, ճաշ պատրաստի: Բայց երբեմն, երբ փոքրիկ կենգուրուն արթնանում էր և իր կողքին չէր գտնում մայրիկին, վախենում էր: Այդ ժամանակ նա բարձրաձայն լաց էր լինում և գոռում, մինչև որ մայրիկը չէր մոտենում և նրան նորից իր պայուսակի մեջ պահում:
Continue reading

ՀՈԳԵԲԱՆԱԿԱՆ ՀԵՔԻԱԹ. ՏԻՊՆ ՈՒ ՏՈՊԸ

սկյուռՏարիքը – 5-10 տարեկան

Ուղղվածություն – բացասական զգացմունքներ /խանդ, վիրավորանք/ կապված փոքրիկ եղբոր կամ քրոջ հետ: Ապրումներ՝ կապված «մեծի» դերն ընդունելու հետ

Մի անտառում ապրում էր սկյուռիկների ընտանիքը՝ մայրիկը, հայրիկը և երկու երեխաները: Մեծ եղբոր անունը Տիպ էր, իսկ փոքր եղբոր անունը՝ Տոպ: Սկյուռների ընտանիքը շատ համերաշխ էր: Ծնողներն ամեն առավոտ գնում էին աշխատանքի՝ ուտելիք փնտրելու, իսկ երեխաները տանն էին մնում: Գնալուց առաջ մայրիկը միշտ ասում էր Տիպին.

- Կհետևես Տոպին: Նա դեռ շատ փոքր է, ամեն ինչ չի կարողանում անել, նրան հեշտ է նեղացնել:
Continue reading

ՁԱԽԼԻԿՆԵՐԸ ԱՋԼԻԿՆԵՐԻ ԱՇԽԱՐՀՈՒՄ

ՁախլիկներըԱշխարհում մարդկանց մեծամասնությունը գրում, նկարում է աջ ձեռքով. նրանք աջլիկներն են: Իսկ նրանցից թվով համեմատաբար շատ քիչ մարդիկ՝ ձախլիկները, գործածում են ձախ ձեռքը և անում են նույն գործողությունը նույնքան, իսկ գուցե երբեմն էլ շատ ավելի լավ, քան աջլիկները: Նրանց համար այդպես հարմար է ու սովորական: Բայց, չգիտես ինչու, շատ լեզուներում «ձախլիկություն» բառը բացասական իմաստ ունի և նշանակում է «անօրինական», «կեղծ», «անփույթ» և անգամ «ստոր»: Սակայն եթե դու էլ ես ձախլիկ, ուրեմն վստահ եղիր, դա նույնքան լավ է, որքան և աջլիկությունը և ոչ մի դեպքում այն չի կարելի թերություն համարել:  Continue reading