Ազնիվ Մոծակի Խոսք

Մեր Մասին | Կանոններ | Հարցեր | Նախագծեր | Խորհուրդներ
Մանկական ժամանցային կայք

շարադրություններ

ԻՆՉՊԵՍ ԳՐԵԼ ՇԱՐԱԴՐՈՒԹՅՈՒՆ

շարադրությունՇարադրությո՜ւն… Դու է՞լ ես սարսափում այս բառից: Պատրա՞ստ ես ամեն ինչի, միայն թե ուսուցիչը կրկին չհանձնարարի շարադրություն գրել: Ուրեմն այս խորհուրդները հենց քեզ համար են: Միասին այդ շարադրության «հախից կգանք» ու կտեսնես, որ նրա մեջ ոչ մի սարսափելի բան էլ չկա:

Շարադրությունները տարբեր են լինում, շատ տարբեր, բայց նրանց համար ընդհանուր է մեկ բան: Բոլոր շարադրություններն էլ պետք է ունենան հստակ ու գեղեցիկ կառուցվածք, բաղկացած լինեն նախաբանից, հիմնական մասից և վերջաբանից: Ամենից առաջ ուշադիր կարդա վերնագիրը. դրա ամեն մի բառը շատ կարևոր նշանակություն ունի: Հենց այնպես չեն ուսուցիչները շարադրության վերջում գրում. «Շեղվել ես թեմայից» կամ «Չի համապատասխանում վերնագրին»:
Continue reading

ՄԱՆԵ ԱՌԱՔԵԼՅԱՆ. ԵՐԳԱՎԱԶՔՈՎ ԴԵՊԻ ԵՐԱԶԱՆՔՆԵՐԻ ԻՐԱԿԱՆԱՑՈՒՄ

Մանե ԱռաքելյանԱյս հմայիչ աղջկան մեր ընթերցողները հիշում են դեռ Mocak.am-ի Մանկական հեքիաթի մրցույթից: Մանե Առաքելյանը ներկայացրել էր երկու հրաշալի հեքիաթ, որոնցից մեկը՝ «Հեքիաթ շախմատի թագավորության մասին» աշխատանքը, ընդգրկվեց լավագույն քսան հեքիաթների ցանկում: Մեր ընթերցողները հասցրել են սիրել Մանեի հեքիաթները, բայց դեռ ոչինչ չգիտեն նրա մասին: Իսկ բոլորովին վերջերս մենք բացահայտեցինք նաև այն, որ Մանեն հրաշալի երգում է: Կարծում եմ ճիշտ ժամանակն է նրա հետ ավելի լավ ծանոթանալու և ընկերանալու համար: Եվ ուրեմն, մենք պարզեցինք, որ Մանեն 11 տարեկան է: Սովորում է Երևանի Նաիրի Զարյանի անվան թիվ 130 դպրոցում, 6-ի ա դասարանում և հաճախում եմ նաև «Լուիզա V»երաժշտական դպրոցի դաշնամուրային բաժին:
Continue reading

ԻՆՉՈՒ՞ Է ԳԻՐՔ ԿԱՐԴԱԼՆ ՕԳՏԱԿԱՐ

գիրքՍովորաբար «Գիրք կարդալ սիրու՞մ ես» հարցին` դպրոցականները պատասխանում են ոչ` պատճառաբանելով, որ  դա ուղղակի պարտականություն է, այն էլ՝ շատ ձանձրալի: Բայց հիմա մենք միասին կփորձենք հասկանալ` ինչու՞ են ուսուցիչները ստիպում կարդալ, և ինչու՞ է գիրք կարդալն օգտակար:

Զարգացնում է մտածողությունը: Գիրք կարդալու շատ կարևոր առանձնահատկություններից մեկը հենց սա է: Կարդալիս մենք շատ ենք մտածում` փորձելով հասկանալ այս կամ այն իրավիճակը, հերոսի հոգեվիճակը:

Continue reading

ԻՆՉՊԵ՞Ս ԳՐԵԼ ՀԵՔԻԱԹ

Ինչպես գրել հեքիաթԵրբ ուսուցիչները հերթական շարադրությունն են հանձնարարում, շատ երեխաների դեմքն այնպիսի արտահայտություն է ստանում, ասես հենց նոր թթու լիմոն են կերել:

Բայց շարադրություն գրելը, փոքրիկ պատմություն հորինելը կարող են շատ ուրախ զբաղմունք դառնալ, եթե այդ ամենին մոտենաս հաճույքով: Այդ դեպքում քո փոքրիկ աշխատանքները կարող են դպրոցական նստարանից էլ ավելի վեր բարձրանալ ու դառնալ պատմվածքներ ու հեքիաթներ, որոնք հետաքրքրությամբ կկարդա ոչ միայն քո ուսուցչուհին, այլև շատ այլ ընթերցողներ: Եթե այդ միտքը քեզ դուր եկավ, ապա ոչինչ չի խանգարում քեզ փորձել: Այս խորհուրդներն էլ կարծում ենք քեզ պետք կգան: Continue reading

ՎԱՀԵԻ ՇԱՐԱԴՐՈՒԹՅՈՒՆԸ

Վահեի շարադրությունըԿավիճը բարձրացավ տեղից ու մոտեցավ գրատախտակին: «Չէ, չէ, միայն ոչ դա, լա՜վ էլի…»: Արդեն ուշ էր, ու Վահեն խոր հոգոց հանեց. գրատախտակին մեծ-մեծ տառերով գրված էր՝ ՇԱՐԱԴՐՈՒԹՅՈՒՆ:

-Ախր, լավ էլի, չգիտեմ ես շարադրություն գրել, ի՞նչ անեմ,- շշնջաց Վահեն Կարենի ականջին:

-Իսկ դու պատկերացրու, որ եթե շուտ գրես, ավարտես շարադրությունը, գնալու ենք բուֆե՜տ,- երանությամբ ասաց Կարենը: Continue reading

ՍԵՊՏԵՄԲԵՐԻ 1

Սեպտեմբերի 1Ահա և վերջ: Ամառը պաղպաղակի պես հալվեց ու վերջացավ: Դպրոցական պայուսակն էլի լցվեց նոր գրքերով ու գրենական պիտույքներով ու ամեն ինչ սկսվում է նորից՝ առավոտյան շուտ վեր կենալ, շարադրություններ, ստուգողականներ, համադպրոցականներ, քննություններ…

Բայց չէ՞ որ նաև շատ ես կարոտել ընկերներիդ ու ուսուցիչներիդ, որքա՜ն բան ունես պատմելու նրանց, ամառային տպավորություններ, հետաքրքիր պատմություններ ու դեպքեր: Բա ո՞վ է բարձր գնահատականներ ստանալու ու դասամիջոցներին «նշելու» այդ բարձր գնահատականները… Continue reading