ԻՆՉՊԵ՞Ս ՆԿԱՐԵԼ ՍՊՈՒՆԳ ԲՈԲԻՆ


Սպունգ Բոբ

Սպունգ Բոբի հետ ծանոթացանք, անգամ հասցրինք ուտել նրան… Այսինքն իսկական ժամանակն է սովորել նրան նկարել: Ի՞նչ, ի՞նչ, չե՞ս կարող… Դու այդպես ես ասում, որովհետև անգամ չես էլ պատկերացնում, թե ամեն ինչ որքան հեշտ է: Ես ինքս նկարելուց այդքան էլ լավ չեմ, բայց ինձ մոտ ամեն ինչ անկրկնելի ստացվեց: Դե ուրեմն շտապիր վերցնել մատիտ, թուղթ, մեկ էլ դարակի ամենախոր անկյունում ինքնավստահությունդ է թաքնված, դա էլ չմոռանաս, լա՞վ: Ուրեմն սկսում ենք:

Spung bob Nkar

Քայլ 1:  Սպունգ Բոբին սկսում ենք նկարել նրա զիգզագաձև մարմնից:Իհարկե, սկզբում այն կարող ես նկարել ուղիղ գծերով, որպեսզի ավելի հեշտ լինի:

Քայլ 2: Հիմա նկարում ենք թաթիկներն ու ոտիկները այնպես, ասես Սպունգ Բոբն ուրախ-ուրախ վազում է:

Քայլ 3: Իսկ հիմա ալիքաձև կամ զիգզագաձև ենք դարձնում Սպունգ Բոբի մարմնի եզրագծերը:

Քայլ 4: Ժամանակն է նկարելու նրա աչուկները, որոնք մեծ են ու կլոր, իսկ նրա թարթիչներն ընդամենը երեքն են:

Քայլ 5: Հետո նկարում ենք նրա քիթը, որը մի քիչ վերև է բարձրացած, ինչպես նաև բացված բերանը, որից պարզ երևում են լեզուն և երկու ատամները:

Քայլ 6: Հիմա նկարիր Սպունգ Բոբի փողկապն ու օձիքը:

Քայլ 7: Ավելի մանրամասն նկարիր թաթիկներն ու ոտիկները:

Քայլ 8: Նկարիր անցքեր Բոբի վրա:

Քայլ 9: Մգեցրու անհրաժեշտ հատվածները:

Քայլ 10: Եվ վերջապես ներկիր:

Դե՞, որևէ դժվար բան կա՞ր: Թեև համոզված եմ, որ քեզ մոտ ամեն ինչ ուղղակի հրաշալի է ստացվել, բայց փորձիր մի քանի անգամ էլ նույն քայլերով նկարել նրան, որպեսզի է՛լ ավելի հրաշալի ստացվի: Իսկ հենց սա վերջացնես, մենք կսկսենք սովորել նկարել Սպունգ Բոբի ընկերներին, չէ՞ որ առանց նրանց նա չի կարող, ինչպես ես՝ առանց քեզ…

Անի Ավագյան


Like it? Share with your friends!

Մեկնաբանել

 

Շնորհակալություն

Հավանեք մեր էջը Facebook-ում։