ԵՐԲ ՇՈՒՆՉ ԵՆ ՍՏԱՆՈՒՄ ՏԻԿՆԻԿՆԵՐԸ


Երբ շունչ են առնում տիկնիկները

«Տիկնիկավարը հենց ձեռքը դրեց տիկնիկի մեջ ու բռնեց թելերը, տիկնիկն արդեն կենդանի արարած է, թողեց թելերը` իր է, առարկա»:

Երվանդ Մանարյան

Տիկնիկային թատրոնը թատրոնի մի տեսակ է, որտեղ դերասանները հենց տիկնիկներն են: Այս տեսակը ձևավորվել է հնագույն ժամանակներից: Նման թատրոններ գործել են Հունաստանում, Չինաստանում, Հնդկաստանում և մի քանի այլ երկրներում դեռևս մ.թ.ա.: Տիկնիկային թատրոններն ընդունված են եղել միշտ և բոլոր երկրներում, այդ թվում և ` Հայաստանում:

 Հ. Թումանյանի անվան պետական տիկնիկային թատրոնը հիմնադրվել է 1935 թ. հունիսի 1-ին Երևանում: Թատրոնն իր առաջին քայլերն արել է  «Չարաճճի Պետիկը» և «Շունն ու կատուն» բեմադրություններով: Բայց այսօր ներկայացումների մեծ ցանկ գոյություն ունի:

Տիկնիկային թատրոնում այժմ գործում է Պավլոս Բորոյանի անունը կրող թանգարան, որտեղ ներկայացված են մոտ 200 ցուցանմուշ: Այնպես որ, բացի հետաքրքիր ներկայացում դիտելուց, դու հնարավորություն ունես մի լավ ուսումնասիրել թանգարանը:

Իմիջայլոց, այդ ամենը գուցե ոգեշնչի քեզ, և դու էլ որոշես տիկնիկներ պատրաստել և մասնակցել ներկայացումներին: Քեզ մոտ հաստատ կստացվի, չէ՞ որ երբ դու խաղում ես տիկնիկների հետ, նրանց կենդանություն ես հաղորդում, նրանց մեջ դնում ես քո երազանքներն ու հավատում, որ դրանք իրականանալու են:

Տիկնիկավարներն էլ հենց նրանք են, ովքեր չնայած իրենց տարիքին ու հոգսերին,  մեկ է, շարունակում են երազել ու հավատալ, որ տիկնիկները նույնպես հոգի ունեն:

Իսկ եթե որոշես գնալ թատրոն, քեզ հետ տար նաև եղբորդ, քույրիկիդ և ծնողներիդ, որովհետև տիկնիկային թատրոնը սիրով իր դռները բացում ու ներս է հրավիրում բոլոր տարիքի մարդկանց առաջ:

Անի Ավագյան


Like it? Share with your friends!

Մեկնաբանել

 

Շնորհակալություն

Հավանեք մեր էջը Facebook-ում։