ԵՎԱ – ԲԱՅՑ ԱՅՍՕՐ ԻՄ ԾՆՈՒՆԴՆ Է

Երգում է Եվան

Երգի հեղինակ՝ Անահիտ Շահզադեյան

Ես գիտեմ, թե ինչու

Շատ ուրախ եմ այսօր,

Բայց տխրում են միայն

Տիկնիկներս բոլոր:

Եվ արջուկն է լալիս,

Որ իրեն չեն հիշում,

Իսկ փոքրիկ նապաստակը

Ոչինչ չի ասում:

Բայց այսօր իմ ծնունդն է,

Մեծացել եմ ես արդեն,

Իսկ արջուկն ու նապաստակը

Թող ներեն, թող ներեն,

Որ այսօր իմ ծնունդն է,

Մեծացել եմ ես արդեն:

Ես խնդրում եմ, որ Դուք

Այդքան շատ չտխրեք,

Չէ՞ որ պետք է դպրոց

Անպայման հաճախել:

Ես ուզում եմ գրել

Եվ կարդալ սովորել,

Իսկ հետո իմ դասերը

Ձեզ հետ պատրաստել:

Բայց այսօր իմ ծնունդն է,

Մեծացել եմ ես արդեն,

Իսկ արջուկն ու նապաստակը

Թող ներեն, թող ներեն,

Որ այսօր իմ ծնունդն է,

Մեծացել եմ ես արդեն: x2

Ես գիտեմ՝ դպրոցում

Շատ զբաղված են լինում,

Շատ դասեր ու փորձեր,

Լեզուներ են սովորում,

Իսկ հետո դաշնամուրի

Դասը պետք է պարապել,

Եվ լողի, և պարի

Անպայման հասցնել:

Բայց այսօր իմ ծնունդն է,

Մեծացել եմ ես արդեն,

Իսկ արջուկն ու նապաստակը

Թող ներեն, թող ներեն,

Որ այսօր իմ ծնունդն է,

Մեծացել եմ ես արդեն:

Ես գիտեմ, որ շուտով

Երբ որ շատ մեծանամ

Մի քույրիկ կամ եղբայր

Անպայման կունենամ,

Համոզված եմ՝ դուք իրար

Շատ ու շատ կսիրեք,

Եվ բոլորս ուրախ

Ու խաղաղ միշտ կապրենք:

Բայց այսօր իմ ծնունդն է,

Մեծացել եմ ես արդեն,

Իսկ արջուկն ու նապաստակը

Թող ներեն, թող ներեն,

Որ այսօր իմ ծնունդն է,

Մեծացել եմ ես արդեն: x2