Լիդուշիկ - Փուշը

Թնկթնկում է Սաթիկը,
Փուշ է մտել մատիկը,
Ախ, ի՞նչ անի, ո՞նց անի,
Մատի փուշը ո՞նց հանի,
Ախ, ի՞նչ անի, ո՞նց անի,
Մատի փուշը ո՞նց հանի:

Փուշն էլ, ինչ փուշ, ճստլիկ,
Լվի ոտից պստլիկ,
Փուշն էլ, ինչ փուշ, ճստլիկ,
Լվի ոտից պստլիկ,
Փուշն էլ, ինչ փուշ, ճստլիկ,
Լվի ոտից պստլիկ:

Վազեց գնաց տատի մոտ,
Տատը ընկավ ձեռ ու ոտ,
Քթին դրեց ակնոցը,
Շտկեց նախշուն գոգնոցը,
Քթին դրեց ակնոցը,
Շտկեց նախշուն գոգնոցը:

Նայեց ցավող մատիկին,
Սրտապնդեց Սաթիկին,
Համբուրեց աչիկն ու թուշը,
Զգույշ հանեց էն փուշը… Զգույշ հանեց էն փուշը…

ԼԻԴՈՒՇԻԿ – ՓՈՒՇԸ