— Իսկ ի՞նչ է անունը:
Այս հարցն անպայման հնչում է, երբ որևէ մեկը իմանում է, որ Դուք փոքրիկ եք ունեցել, և պարզում է երեխայի սեռը: Բոլորը ցանկանում են իմանալ երեխայի անունը, չէ՞ որ լույս աշխարհ է գալիս նոր էակ, որ շուտով քայլ առ քայլ իր տեղն է գտնելու այս աշխարհում: Իսկ ինչպես նա կանի դա առանց իր ամենակարևոր այցեքարտի՝ իր անվան: Այդ փոքրիկը շուտով վազվզելու է Ձեր տանը, և Դուք կանչելու եք նրան աշխարհի ամենալավ անունով: Այդ անունը իր մեջ է կրելու Ձեր ողջ սերը փոքրիկի հանդեպ: Պետք չէ մոռանալ նաև, որ անունը որոշ չափով պայմանավորելու է նաև երեխայի բնավորությունը: Ուրեմն այն պետք է ընտրվի շատ զգուշորեն, շատ ավելի վաղ, քան երեխան լույս աշխարհ կգա:
Ահա տղաների անունների մի երկար ցանկ, որը կօգնի Ձեզ կողմնորոշվել: Ներկայացնում ենք Ա-ից մինչև Հ տառով սկսվող անունները և անունների նշանակությունը: Աղջիկների անունները կարդացեք այս և այս էջում… Տղաների անունների մյուս մասը կարող եք գտնել այստեղ:
ՏՂԱՆԵՐԻ ԱՆՈՒՆՆԵՐ
Ա
Աբգար — համարվում է հայերեն բառ և նշանակում է իբրև «ավագ այր»
Աբել — շունչ, օդ (եբրայերեն, ըստ Աստվածաշնչի՝ Ադամի երկրորդ որդու անունն է
Ադամ — ստուգաբանվում է իբրև երկրային, մարդ:
Ազատ — հայերեն ազատ բառից է
Ալբերտ — նշանակում է ազնվափայլ (գերմաներեն)
Աղասի — տեր, տիրակալ իշխան (թուրքերեն)
Անդրանիկ — ավագ, մեծ (հայերեն ), ուժեղ տղամարդ (հունարեն)
Ավետ, Ավետիս, Ավետիք — հայերեն Ավետիք բառն է, որը նշանակում է հաճելի լուր, աչքալուսանք
Ատոմ — անբաժանելի (հունարեն)
Արա — Արան գարնան, բուսականության, բերքի, հետագայում նաև պատերազմի, ուժի աստվածն էր: Արա անունը ըստ Գ. Ղափանցյանի ծագում է ակկադա-շումերական լեզուներից և նշանակում է անտառ, արտ:
Արամ — վսեմ, ազնվազարմ, ըստ Մովսես Խորենացու` Արա Գեղեցիկի հոր անունն է
Արեգ – արև (հայերեն)
Արթուր — արջ (հունարեն)
Արման — իղձ, կարոտ (պարսկերեն )
Արմեն — հայ տղամարդ
Արշակ — պարսկերեն Arsa- արջ բառից` հայերեն ակ փաղաքշական ածանցով: Նշանակում է արջուկ:
Արսեն — առնական, ամրակուռ (հունարեն)
Արտակ — սրընթաց, ճարպիկ (հունարեն)
Արտաշես — լույս, եռանդ, ուրախություն (պահլավերեն), արդար (տիրակալ պարսկերեն)
Արտավազդ — Արտավազդ անունը ստուգաբանվում է` տևական արդարություն:
Բ
Բագրատ — պարսկերեն Baga (աստված) և bata (տուրք, պարգև) բառերից: Նշանակում է աստծու պարգևած:
Գ
Գաբրիել — Աստծո մարդ (եբրայերեն)
Գառնիկ — հայերեն Գառն բառի փաղաքշական ձևն է: Նշանակում է համեստ, հեզ, խոնհար:
Գեղամ – հավիտենական, վաղժամանակյա (եբրայերեն)
Գևորգ – հողագործ, երկրագործ (հունարեն)
Գոռ — հպարտ, գոռոզ (հայերեն)
Գրիգոր – զգոն, արթուն, հսկող (հունարեն, լատիներեն)
Գուրգեն — գայլուկ (պարսկերեն)
Դ
Դանիել — «Աստված ինձ դատավոր» (եբրայերեն)
Դավիթ — գեղեցկատես կամ սիրեցյալ (եբրայերեն)
Զ
Զավեն – աջակցող, օգնող (պարսկերեն)
Զոհրաբ – կարմրափայլ (պարսկերեն)
Է
Էդգար — քաղաքի պահապան (հին գերմաներեն)
Էդուարդ — ունեցվածքի պահապան, պահակ (ֆրանսերեն)
Էմին — ապահով, վստահ (արաբերեն)
Էմիլ — աշխատասեր, տքնաջան (լատիներեն)
Էմմանուել — «Աստված մեզ հետ է» (եբրայերեն)
Ժ
Ժան — ֆրանսիական տառադարձությամբ Jean – Հովհաննես անունն է
Ժիրայր — հայերեն Ժիր և այր բառերից: Նշանակում է ժիր, աշխույժ մարդ
Լ
Լևոն — առյուծ (հունարեն)
Խ
Խաչիկ — հայերեն Խաչ բառի փաղաքշական ձևն է, նշանակում է փոքրիկ խաչ
Խոսրով — նշանակում է բարեհամբավ
Խորեն — պարսկերեն khor — արեգակ բառից է և en փաղաքշական ածանցից «արևիկ» նշանակությամբ
Կ
Կարեն — առատաձեռն, մեծահոգի (պարսկերեն)
Կոմիտաս — երկար մազեր ունեցող (հունարեն )
Կորյուն — հայերեն Կորյուն բառից, որ նշանակում է «առյուծի ձագ»
Հ
Հակոբ – խաբող (եբրայերեն)
Հայկ — հսկա (հնագույն դիցաբանական անուն)
Հայկազ — հայերեն Հայկ անունից և ազն (ցեղ) բառից, նշանակում է «Հայկի ցեղից»
Հովհաննես – հնազանդություն (hունարեն)
Հովսեփ — Աստված բազմապատկի (եբրայերեն)
Հրայր — հայերեն հուր և այր բառերից` «կրակի մարդ» նշանակությամբ
Հրաչ, Հրաչյա -հայերեն Հուր և աչք, նշանակում է «հրափայլ աչքերով»