Մեր սիրելի մուլտֆիլմի երկու հերոսները՝ Արջն ու Վագրը որոշում են շախմատ խաղալ: Մաշան էլ իր ընկերոջ՝ նապաստակի հետ է խաղում և ինչպես միշտ, պատահական, շա՜տ պատահական հայտնվում Արջի տնակում: Եվ ի՞նչ եք կարծում, դե, իհարկե, նրան անչափ հետաքրքրում է այս խաղը ու վագրի օգնությամբ սկսում է սովորել: Եվ քանի որ մեր սիրելի հերոսուհին շատ խելացի է, իսկույն սովորում է և սկսում հաղթել խաղաքար-ձիուկի օգնությամբ:
Տըգը-դըգ-տըգը-դըգ և հաղթում է, սկզբում՝ Արջին, հետո՝ Վագրին, հետո՝ նորից Արջին, նորից ու նորից Վագրին: Շտապենք դիտել մուլտֆիլմի 28-րդ մասը և տեսնենք, թե Արջն ու Վագրը ինչ քայլերի են գնում Մաշային հաղթելու համար:
«Մաշան և արջը» մուլտֆիլմի բոլոր սերիաները կարող ես դիտել այստեղ: