Հոկտեմբերի 31 ին Գաֆէսճեան արվեստի կենտրոնում տեղի կունենա «Խնձորապուր» մանկական գրքի շնորհանդեսը: Դա հայտնի բելգիացի հեղինակ-նկարազարդող Կլաաս Վերպլանկի “Appelmoes” գրքի թարգմանությունն է: Կլաասը ներկա կլինի շնրհանդեսին , որից հետո բոլորին կհյուրասիրի իր իսկ պատրաստած խնձորապուրը (որն իրոք շատ համեղ է):
Գիրքը պատմում է մի տղայի և իր հոր փոխհարաբերությունների մասին՝ փոքրիկի տեսանկյունից: Սա հայալեզու մանկական առաջին գիրքն է, որի գլխավոր հերոսը ոչ թե մայրն է այլ հայրը: Մեր կարծիքով գիրքն ունի կարևոր հասարակական նշանակություն, քանի որ ցույց է տալիս թե ինչքան կարևոր է հոր ամենօրյա մասնակցությունը երեխայի դաստիարակման մեջ:
Ապագայում պլանավորվում է շարունակել նմանատիպ գրքերի տպագրությունը հայերեն լեզվով և սկիզբ դնել հայկական «Հայրերի ակումբին»: Ծրագիրը չի հետապնդում որևէ շահույթ, իրականացվում է մի խումբ կամավորների կողմից:
Կլաաս Վերպլանկի «Խնձորապուր» նկարազարդ գիրքը արդեն թարգմանվել է չինարեն, խորվաթերեն, դանիերեն, հոլանդերեն, անգլերեն, ճապոներեն, կորեերեն, պորտուգալերեն, իսպաներեն, շվեդերեն և թայվաներեն:
Գրքի մասին ավելի մանրամասն ինֆորմացիա կարող եք գտնել Ֆեյսբուքի պաշտոնական էջում: