Սեպտեմբերի 14-ին մեր բոլորի առջև անչափ կարևոր ընտրություն է դրված: Միասին պետք է ընտրենք այն կատարողին, ով կներկայացնի Հայաստանը Մանկական Եվրատեսիլ 2014-ին: Մրցույթն այս տարի կանցկացվի նոյեմբերի 15-ին Մալթայում: Այն լինելու է Մանկական Եվրատեսիլ երգի մրցույթի պատմության մեջ տասներկուերորդը:
Հանրային հեռուստաընկերությունը ստացել է մասնակցության 87 հայտ, բայց ընտրական փուլը հաղթահարել են 10 մասնակից:
Հայաստանը մրցույթին ներկայացնելու հնարավորությունը ստանալու համար կպայքարեն հետևյալ մասնակիցները՝ նշված հերթականությամբ.
1. Մերի Քոչարյան- «Չի կարելի»
2. Յունա- «Walk around’’
3. Էլինա և Արման- «Galaxy»
4. Նարեկ Վարդանյան- «Աշուն»
5. Mery M- «#Peace»
6. Srbuhi feat. DDJ- «Զուռնա»
7. Միկա- «Մանկության խորհուրդ»
8. Սյուզի Հարությունյան- «I dream»
9. Կարեն Օհանյան և Միկա- «Shine out»
10. Բեթթի (Էլիզաբեթ Դանիելյան)- «People of the sun»
Հաղթողը կընտրվի հեռուստաքվեարկության և պրոֆեսիոնալ ժյուրիի քվեարկության արդյունքում` 50/50 հարաբերակցությամբ: Նախընտրական փուլը տեղի կունենա սեպտեմբերի 14-ին 19:30-ին: Այնպես որ ուշադրությամբ լսիր մասնակիցներին և որոշիր, թե ով է արժանի Հայաստանը ներկայացնելուն: