Արդեն հասցրել ենք մեր մեջ բացահայտել նաև աճպարարի տաղանդը: Դե իսկ քանի որ այն բացահայտվել է, պետք է ավելի հետևողական լինենք: Մի փոքր ներքևում մեզ սպասում են մաթեմատիկական ֆոկուսներ կոչվող զարմանալի երևույթները: Որեմն անցնենք գործի՝ չմոռանալով դեմքի շա՜տ լուրջ արտահայտության մասին:

Ֆոկուս 1: Ընկերներիդ ասա, որ դու կարող ես հաշվել ցանկացած ինը թվի գումար՝ առանց իմանալու, թե ինչ թվեր են դրանք:  Դրա համար ընկերներդ քեզնից թաքուն պետք է օրացույցի վրա նշեն ինը թիվ այնպես, որ քառակուսի ստացվի (ինչպես նկարում է):

Մաթեմատիկական ֆոկուսներ

Հետո նա պետք է քեզ ասեն այդ քառակուսու ամենափոքր թիվը (նկարի մեջ, օրինակ ամենափոքրը 3 թիվն է):

Իսկ դու մի քանի վայրկյան մտածելուց հետո կպատասխանես:

Y9logo

Գաղտնիքը հետևյալն է. ընկերներիդ ասած թվին պետք է գումարես 8, իսկ արդյունքը բազմապատկես 9-ով: Օրինակ՝ նկարի մեջ ամենափոքր թիվը 3-ն է, ուրեմն՝ 3 + 8 = 11 , 11 х 9 = 99:  Վստահ կարող ես ասել, որ պատասխանն 99-ն է:

Ընկերներդ քեզ ստուգելուց հետո անպայման կզարմանան: Միայն թե այս ֆոկուսի համար պետք է բազմապատկման աղյուսակը կրկնես…

Ֆոկուս 2: Իսկ այս ֆոկուսի օգնությամբ դու կարող ես միանգամից իմանալ, թե քանի եղբայր և քույր ունի քո ընկերը՝ առանց նրան այդ մասին հարցնելու: Բայց նա պետք է քեզ մի փոքր օգնի:

1. Ասա նրան, որ եղբայրների քանակին գումարի 3: (օր.՝ ես ունեմ մեկ եղբայր. 1+3)
2. Ստացված թիվը բազմապատկի 5-ով, գումարի 20, արդյունքը բազմապատկի 2-ով:(4 x 5 + 20 x 2 =80)
3. Այս ամենին պետք է գումարել քույրիկների քանակը և 5: (ես, օրինակ քույրիկ չունեմ՝ 80 + 0 + 5=85)

Երբ ընկերդ հաշվի, վերջացնի, թող քեզ ասի՝ ինչ թիվ է ստացել, որից հետո դու կանցնես գործի: Ընկերոջդ ասած թվից պարզապես պետք է հանես 75:(85-75=10) Կստացվի երկնիշ ինչ-որ թիվ. առաջինը եղբայրների քանակն է, իսկ երկրորդը՝ քույրիկների: Բայց կարող է ստացվել նաև միանիշ թիվ, դա նշանակում է, որ ընկերդ եղբայր չունի:

Ահա մեր ֆոկուսների շարքը համալրվեց ևս երկուսով և մենք երկու անգամ էլ համոզվեցինք, թե իրականում ամեն ին որքա՜ն հեշտ ու պարզ է…

Անի Ավագյան

44 ՄԵԿՆԱԲԱՆՈՒԹՅՈՒՆՆԵՐ

  1. Barev dzes xndrum em indz oknek mer matematikayi usucchuhin mez handznararele ayspisi mi ban Gtsel CD ughix@,AB charagayt@ ev MK u EF hatvatsnern,vor CD ughix@ hati MK hatbats@,bayc chati AB charagayt@ ev EF hatvats@,isk AB charagayt@ hati EF hatvats@,bayc chati MK hatvats@ xndrum em ognek indz ays xndiri het

  2. hetaqrqir tver
    12345679*9=11111111
    12345679*18=22222222
    12345679*27=33333333
    12345679*36=44444444
    12345679*45=55555555
    12345679*54=66666666
    12345679*63=77777777
    12345679*72=88888888
    12345679*81=99999999

ԹՈՂՆԵԼ ՊԱՏԱՍԽԱՆ

4 + 2 =