ՆՈՐԻՑ ՀԱՄԵ՜Ղ ՍՐՏԻԿ


1 share
Համե՜ղ սրտիկ

Կարծում եմ` նախքան մեր յուրահատուկ և զվարճալի նվերները հանձնելը, լավ կանենք կերակրենք մեր սիրելի մայրիկներին: Այդպիսով ևս մի հոգսից կազատենք նրանց: Այդ օրն առավոտյան մեր զարթուցիչները մի փոքր շուտ կզանգեն և կարթնացնեն մեզ բոլորից շուտ: Իսկ մենք միանգամից կշտապենք խոհանոց:

Համե՜ղ սրտիկ

Բացում ենք սառնարանը՝

Նրբերշիկ

Անկորիզ ձիթապտղի հատիկ

Եվ տոմատ:

Արագ-արագ վերցրու դրանք:

Եվ երկու բան, որ հաստատ սառնարանում չի լինի՝

Հաց

Եվ փայտիկներ:

Համե՜ղ սրտիկ

Ինչպե՞ս շատ արագ պատրաստել՝

Նրբերշիկներն արագ կխաշենք: Ինչպե՞ս՝ ընդամենը կաթսայի մեջ կլցնենք մի քիչ ջուր, որի մեջ էլ կդնենք նրբերշիկները: Ու կսպասենք:

Երբ նրբերշիկները պատրաստ լինեն, կտեղափոխենք տախտակի վրա և, ինչպես նկարում է պատկերված, կկտրենք յուրաքանչյուր նրբերշիկի երկու ծայրերից:

Իսկ երբ այդ ծայրերը միացնենք իրար կստացվի սրտիկ, համե՜ղ սրտիկ:

Դա կամրացնենք փայտիկով:

Փայտիկի ծայրերին էլ մեջտեղից կիսված ձիթապտղի հատիկներ կդնենք:

Մնաց մեր համեղ սրտիկը տեղափոխենք տոմատապատ հացի վրա և, իհարկե, արթնացնենք մայրիկին, ով գուցե արդեն արթնացած լինի այսպիսի համեղ բույրերից…

Անի Ավագյան


Like it? Share with your friends!

1 share

Մեկնաբանել

 

Շնորհակալություն

Հավանեք մեր էջը Facebook-ում։