Դպրոց գնալու համար, ուզենք-չուզենք, պետք է շուտ վեր կենանք: Բայց ոչ մի դեպքում չի կարելի տնից դուրս գալ սոված փորիկով: Իհարկե, ես շատ լավ գիտեմ, որ դու բոլորովին քաղց չես զգում վաղ առավոտյան, բայց նախաճաշը անչափ կարևոր է: Եթե առավոտյան նախաճաշես, դասերի ընթացքում քեզ առույգ կզգաս և տառերն ու թվերը չեն պտտվի գլխիդ շուրջ:
Քո նախաճաշը կարող ես նաև ինքնուրույն պատրաստել: Ահա քեզ մի քանի հետաքրքիր գաղափար նախաճաշիկներ պատրաստելու համար, որոնք քո առավոտը ժպիտով կլցնեն, իսկ փորիկդ՝ վիտամիններով հարուստ սնունդով: Գուշակի՛ր, թե ովքեր են պատկերված այս մրգային «տեսարաններում», իսկ հետո հորինի՛ր նաև քո «նախաճաշիկը»: Չմոռանաս կիսվել առաջարկներով ու լուսանկարներով:
