ՀԱՆԵԼՈՒԿՆԵՐ


հանելուկներ

Առաստաղից կախված ապակիներ,
Վրան տարբեր սիրուն նախշեր,
Գիշերները արև դառնում,
Մեր սենյակը լուսավորում:

Պարկ է` լցված փետուրներով,
Կարված տարբեր կտորներով,
Գլխի տակ դնելու համար
Շատ փափուկ է ու հարմար:

Տոներից է մեր սիրելի,
Ուրախությամբ ու ջրով լի:

Մթերքներն այնտեղ մրսում են, սառչում,
Բայց, կարևորը, միշտ թարմ են մնում,
Շատ անհրաժեշտ պահարանում
Կարագ,պանիր չի փչանում:

Փոքրիկ թղթե խորանարդիկ,
Մեջը բազում փայտե հատիկ,
Մեկը հանիր, կողքին շփիր,
Հենց այդ պահին կրակ ստացիր:

Ման է գալիս անապատում,
Ջուր հավաքում իր սապատում,
Թե շատ հոգնի ու նստի,
Մահակով էլ չես քշի:

Սև ու սպիտակ կենդանի,
Արտաքինից ինչպես ձի,
Զոլեր ունեն անհաշվելի,
Ամեն մեկը անկրկնելի:

Ամբոխի մեջ նա մի հատ,
Կամ կլոր է, կամ կիսատ,
Գիշերը լուսավորում է,
Բայց մեկ-մեկ էլ խավարում է:

ջահ, բարձ, վարդավառ, զեբր, ուղտ, լուցկի, սառնարան, լուսին 

Խորագիրը վարում է Մարիաննա Ասրյանը


Like it? Share with your friends!

Մեկնաբանել

 

Շնորհակալություն

Հավանեք մեր էջը Facebook-ում։