Կարկանդակներ առաքող Կարմիր գլխարկ, լրագրող գայլ, դերասան փայտահատ և սպորտի վարպետ տատիկ… Այս խառնաշփոթը հաստատ չի հիշեցնում մեզ ծանոթ հեքիաթը Կարմիր գլխարկի մասին: Բայց չէ՞ որ ժամանակները փոխվում են, և հեքիաթն էլ քայլում է ժամանակի հետ:
Ինչպես է ամեն ինչ պատահել իրականում, և ով է մեղավոր: Եթե դու էլ ամեն ինչում մեղադրում ես գայլին կամ կարծում ես, որ այդ անզգույշ Կարմիր գլխարկն էր ամեն ինչի պատճառը, ուրեմն այս մուլտֆիլմը հենց քեզ համար է: Վստահ եմ, որ մի լավ կծիծաղես և կդիտես մուլտֆիլմը մեծագույն հետաքրքրությամբ: Դե ինչ, ծանոթանանք 21-րդ դարի Կարմիր գլխարկի և մյուս հերոսների հետ…